Saray qəsəbəsində minik avtomobilində partlayış baş verib.
Sumqayit24.az-a daxil olan məlumata görə, "Saray-H" MTK-da binaların birinin həyətində "Chevrolet Cobalt" markalı avtomobilin sürücüsü maşını işə salmaq istəyən zaman nəqliyyat vasitəsi işlək vəziyyətə düşməyib.
Bu zaman avtomobildə qaz sızması baş verib və ani partlayış olub.
Partlayış nəticəsində sürücü üz və bədən nahiyəsindən yanıq xəsarətləri alıb.
Yaralı dərhal xəstəxanaya çatdırılıb.
Hadisə zamanı avtomobil tamamilə yararsız hala düşüb.
Faktla bağlı araşdırma aparılır.
