Sumqayıt Dövlət Universitetində (SDU) akkreditasiya qiymətləndirilməsi həyata keçiriləcək.
Sumqayit24.az xəbər verir ki, bu fikirləri Təhsildə Keyfiyyət Təminatı Agentliyinin (TKTA) İdarə Heyətinin sədri Tural Əhmədov brifinqdə deyib. O bildirib ki, bu ilin II yarısında məktəbəqədər təhsil ixtisası üzrə Sumqayıt Dövlət Universiteti daxil, Odlar Yurdu Universiteti, Bakı Slavyan Universiteti, Azərbaycan Dillər Universiteti, Bakı Qızlar Universiteti, Naxçıvan Müəllimlər İnstitutu və Azərbaycan Dövlət Pedaqoji Universitetinin Şamaxı filialında proqram akkreditasiya qiymətləndirilməsinin həyata keçirilməsi nəzərdə tutulur.
Həmçinin Gəncə Dövlət Universiteti, Naxçıvan Müəllimlər İnstitutu, ADPU-nun Şamaxı filialında “İbtidai sinif müəllimliyi” ixtisası üzrə təkrar proqram akkreditasiya qiymətləndirilməsi keçiriləcək”.
