Ceyranbatan qəsəbəsində ağacların yolun üzərinə aşdığı bildirilir.
Bu barədə Sumqayit24.az-a yerli sakinlər məlumat veriblər.
Onların sözlərinə görə, hadisə dünən – sentyabrın 7-də Nizami küçəsində baş verib. Belə ki, iri, qurumuş ağaclar yola aşıb.
Redaksiyamıza təqdim olunan fotolardan da ağacların budaqlarının yolun bir hissəsini tutduğu görünür.
Sakinlər bildirirlər ki, yaranmış vəziyyət həm piyadaların, həm də nəqliyyat vasitələrinin hərəkətində çətinlik yaradır.
Onlar aidiyyəti qurumlara müraciət edərək problemin təcili aradan qaldırılmasını istəyirlər.
