Milli H-index reytinqində Sumqayıt Dövlət Universitetinin (SDU) yeri açıqlanıb. Sumqayıt24 bu haqda 12 iyun tarixində xəbər verir.
Sözügedən reytinq universitetlərin, elmi təşkilatların və elmi tədqiqat müəssisələrinin vahid və şəffaf reytinqi üçün yaradılmış beynəlxalq qeyri-kommersiya təşkilatıdır. Əsas ölçü tanınmış, populyar və sabit Hirş indeksidir. Layihə üzərində Azərbaycan, ABŞ, Böyük Britaniya, Hollandiya və Türkiyədən bir qrup alim çalışır.
2023-cü ilin reytinq göstəricilərinə əsasən, SDU Google Scholar H indeksinə görə “Yüksək elmi potensiallı müəssisələr” kateqoriyasına düşən müəssisələrdən qat-qat yüksəkdədir. Sistemin təqdim etdiyi sertifikatda da 83 müəssisə arasında yalnız Google Scholar-a nəzərən 32-ci, Milli Hirş indeksinə görə isə 52-ci yerdəyik.
