Sumqayıtda “Zəfərə 44 gün qala...” mövzusunda tədbir keçirilib. Sumqayıt24 bu barədə 27 sentyabr tarixində sdu.edu.az-a istinadən xəbər verir.
Tədbir Tələbə Gənclər Təşkilatının təşkilatçılığı ilə Sumqayıt Dövlət Universitetinin Böyük Akt zalında baş tutub. Əvvəlcə Dövlət Himni səsləndirilib, şəhidlərimizin xatirəsi bir dəqiqəlik sükutla yad edilib. Çıxış edənlər 44 günlük Vətən müharibəsində əldə edilmiş tarixi zəfərdən bəhs ediblər. Daha sonra yığıncaqda Tarix və coğrafiya fakültəsinin tələbəsi olmuş şəhid Elgün Quliyevin anası Qənirə Quliyeva, şəhid Vüsal Allahverdiyevin əmisi Mahir Allahverdiyev çıxış edərək onlarla bağlı xatirələrini bölüşüblər, şərəfli həyat və döyüş yollarından söz açıblar. Burada tələbələrin ifalarında vətənpərvər ruhlu mahnılar və şeirlər səsləndirilib. Tədbirin sonunda ədəbi-bədii kompozisiya nümayiş etdirilib.
