Sumqayıt Dövlət Universitetində (SDU) ali təhsil müəssisələrinin tələbələri arasında bədii yaradıcılıq festivalının baxış-müsabiqəsi keçirilib. Bu haqda 5 aprel tarixində Sumqayıt24 SDU-ya istinadən xəbər verib.
Ümummilli lider Heydər Əliyevin anadan olmasının 100 illik yubileyinə həsr olunan tədbirdə tələbələr incəsənətin müxtəlif janrlarında öz bacarıqlarını nümayiş etdiriblər. Onların müxtəlif sahələr üzrə: ifaçılıq, rəqs, bədii qiraət, aşıq havalarını ifaetmə bacarıqları münsiflər heyəti tərəfindən maraqla qarşılanıb.
Müsabiqənin sonunda münsiflər heyəti iştirakçılara təklif və tövsiyələrini verib, tələbələrə uğurlar arzulayıb.
Qeyd edək ki, festival qaliblərinin yekun konserti may ayında keçiriləcək. Qaliblər Elm və Təhsil Nazirliyi və Azərbaycan Təhsil İşçiləri Azad Həmkarlar İttifaqının (ATİAHİ) diplom və hədiyyələri ilə mükafatlandırılacaqlar.
