Sumqayıt Dövlət Universitetində (SDU) strateji panel-müzakirə toplantısı keçiriləcək. Bu haqda 21 fevral tarixində Sumqayıt24 SDU-ya istinadən məlumat verir.
Layihə SDU-nun və Polimer Materialları İnstitutunun birgə təşkilatçılığı ilə həyata keçiriləcək.
“Gənc alimlərin yeni çağırışlara cavab verən elmi-tədqiqat perspektivləri” mövzusunda keçiriləcək tədbir bu gün, saat 15:00-da ali təhsil müəssisəsinin Heydər Əliyev Mərkəzində baş tutacaq.
Toplantıda əsas məqsəd hər iki müəssisədə çalışan gənc tədqiqatçıların müasir dövrə cavab verən elmi işlərinin müzakirəsi, bu sahədə qarşıda duran strateji hədəflərin və elmi-tədqiqat perspektivlərinin təhlilidir.
