Ötən illə müqayisədə Sumqayıt Dövlət Universitetinə (SDU) tələbə qəbulu kəskin artıb.
Sumqayit24.az xəbər verir ki, 2025/2026-cı tədris ili üzrə SDU-nun bakalavr pilləsində plan yeri 94.1 % dolub. Bu rəqəm ötən il 81.3 % təşkil edib.
2024/2025-ci tədris ili üzrə universitetə ayrılan 1690 plan yerinə 1374 nəfər qəbul olubsa, bu il bu rəqəm 1875 nəfər plan yeri üzrə 1765 nəfərə yüksəlib. Bu isə 391 nəfər (29 %) artım deməkdir.
Qeyd edək ki, Sumqayıt Dövlət Universitetində magistratura pilləsinə qəbul olunanların sayı da ötən illə müqayisədə 21,5% artıb. Əgər ötən tədris ilində qəbul olan magistrantların sayı 251 nəfər idisə, bu il 305 nəfər olub.
