SDU-nun nümayəndə heyəti ilə SOCAR-ın Bakı Ali Neft Məktəbinin (BANM) heyəti arasında işgüzar görüş keçirilib. Bu haqda 27 may tarixində Sumqayıt24 Sumqayıt Dövlət Universitetinə (SDU) istinadən xəbər verir.
BANM və SDU arasında anlaşma memorandumunda əks olunmuş əməkdaşlıq istiqamətləri: Tədris-metodiki vəsaitlərin hazırlanması, müxtəlif aktual mövzular üzrə birgə elmi tədqiqatların aparılması, innovativ layihələrin işlənib hazırlanması və həyata keçirilməsi barədə fikir mübadiləsi aparılıb.
Görüş zamanı SDU-nun nümayəndə heyəti BANM-ın geniş, müasir tədris laboratoriyaları, idman zalı, tələbə evinə baxış keçiriblər. Burada müxtəlif aktual mövzular üzrə birgə konfrans, seminar, dəyirmi masa və digər elmi tədbirlərin keçirilməsi müzakirə olunub.
