Sumqayıt Dövlət Universitetinin (SDU) Tələbə Evinə müraciət prosesi asanlaşdırılıb.
Sumqayit24.az xəbər verir ki, tələbələr artıq yataqxanaya yerləşmək üçün müraciətlərini yataqxana.sdu.edu.az portalı üzərindən onlayn şəkildə edə bilərlər. Bu, müraciət prosesini daha rahat və əlçatan edir.
Qeyd edək ki, daha əvvəl Tələbə Evində yaradılan şərait, aylıq ödəniş və güzəştlərlə bağlı məlumat vermişik. Universitetdən bildirilib ki, müəyyən kateqoriyaya aid tələbələr Tələbə Evində ödənişsiz qala biləcəklər.
