Sumqayıt Dövlət Universitetində (SDU) tələbə qəbulu planı təsdiq edilib. Sumqayıt24 bu haqda 10 iyun tarixində xəbər verir.
2023/2024-cü tədris ili üçün 47 ixtisas üzrə 1540 tələbə qəbulu planlaşdırılıb. Bundan 1280 yer əyani, 260 yer isə qiyabi təhsil forması üçün nəzərdə tutulur.
Eyni zamanda daha üç ixtisasda (Korreksiyaedici təlim, Riyaziyyat və Ekologiya mühəndisliyi) hər birində 10 yer olmaqla qiyabi təhsil və bir yeni ixtisas (Mühəndis fizikası) nəzərdə tutulur.
Qeyd edək ki, magistratura səviyyəsi üçün 62 ixtisaslaşma üzrə 136 nəfərlik qəbul planı təsdiqlənib.
