Yeni tədris ilinin başlanması ilə əlaqədar Sumqayıt Dövlət Universitetinin (SDU) yataqxanası tələbələrin istifadəsinə tam hazır vəziyyətə gətirilib.
Sumqayit24.az xəbər verir ki, tələbə evində 124 oğlan və 124 qız üçün olmaqla, 248 nəfərlik yer mövcuddur. Bundan əlavə, 7 qonaq otağı (17 çarpayı) da fəaliyyət göstərir.
Yataqxana əsaslı təmir olunub. Burada mətbəx və məişət otaqları, geniş yeməkxana, oxu zalı və camaşırxana mövcuddur.
Qeyd edək ki, 500 baldan yuxarı nəticə göstərən tələbələr həm 200 AZN xüsusi təqaüd, həm də yataqxanada pulsuz qalmaq imkanı əldə edirlər.
