Sumqayıtda şəhid ailələri, qazilər və müharibə iştirakçıları ilə görüş keçirilib. Bu haqda 3 fevral tarixində Sumqayıt24 xəbər verir.
Görüş prezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş İlham Əliyevin seçkiqabağı təşviqat kampaniyası çərçivəsində təşkil olunub.
Əvvəlcə Dövlət Himni səsləndirilib, ulu öndər Heydər Əliyevin və şəhidlərimizin xatirəsi bir dəqiqəlik sükutla yad edilib. Daha sonra Prezident İlham Əliyevin 20 illik fəaliyyətinə həsr olunmuş videoçarx nümayiş etdirilib.
Tədbirdə çıxış edənlər İlham Əliyevin 20 illik prezidentlik fəaliyyəti nəticəsində Azərbaycanın qazandığı uğurlardan danışıblar.
Şəhid ailələri və qazilər onlara göstərilən diqqət və qayğıya görə ölkə Prezidentə öz minnətdarlıqlarını bildiriblər. Sonda Yeni Azərbaycan Partiyasının Himni səsləndirilib.
