Quldurluqda təqsirləndirilən İlqar Məhərrəmovun (soyadı şərti) cinayət işi üzrə məhkəmə istintaqı başa çatıb.
Pravda.az-ın məlumatına görə, Sumqayıt Ağır Cinayətlər Məhkəməsində keçirilən sonuncu prosesdə hökm oxunub.
Məhkəmənin hökmü o, 6 il müddətinə azadlıqdan məhrum edilib.
İttihama görə, hadisə 15 may 2024-cü il tarixdə, günorta saatlarında Sumqayıt şəhəri ərazindəki evlərin birində qeydə alınıb.
Belə ki, İlqar Məhərrəmov qeyri-rəsmi ər-arvad münasibətində olan zərərçəkmiş Nargil Yusifovanın (soyadı şərti) üzərində 1800 manat pul vəsaitinin olduğunu təxmin edib. O, atasının adına qadın üçün bankdan kredit götürməsini təklif edib. Lakin zərərçəkmiş razı olmayıb. Bu zaman İlqar Nargiləyə hücum edərək qəfildən ona çox saylı yumruq zərbələri endirib. Təqsirləndirilən şəxs qadına xəsarət yetirəndən sonra onun əynindəki paltarları yoxlayıb, üzərindən 210 manat dəyərində olan ‘'Redmi" markalı mobil telefonu və ödəniş qəbzini götürərək ələ keçirib.
Hadisədən sonra İlqar Məhərrəmov saxlanılaraq cinayət məsuliyyətinə cəlb edilib.
Qeyd: İlqar Məhərrəmov daha əvvəl narkotikə görə həbs edilərək məhkumluq həyatı yaşayıb.
