Azərbaycan Ordusunun şəhid əsgəri Elvin Həsənovun anası Mətanət Əliqızı vəfat edib.
Məlumata görə, şəhid anasının ölüm səbəbi açıqlanmayıb.
Qeyd edək ki, Həsənov Elvin Çingiz oğlu 1994-cı il aprelin 24-də Sumqayıt şəhərində anadan olub.
2013-cü ildə Sumqayıt şəhərində yerləşən 34 nömrəli tam orta məktəbi bitirib.
E.Həsənov 2014-cü il martın 17-də Azərbaycan və Ermənistan silahlı qüvvələrinin o zamankı təmas xəttində döyüş tapşırığını yerinə yetirərkən düşmənin açdığı atəş nəticəsində şəhid olub. Martın 18-i isə Sumqayıt şəhərinin Şəhidlər xiyabanında dəfn edilib.
Müdafiə naziri general-polkovnik Zakir Həsənovun əmri ilə ölümündən sonra "Hərbi xidmətdə fərqlənməyə görə" 3-cü dərəcəli medalla təltif olunub.
Mənbə: Ölkə.az
