Şəhidimiz Rəvan Əliyevin doğum günüdür. O, 27 may 2001-ci ildə Sumqayıt şəhərində anadan olub.
Rəvan kiçik yaşlarından tar və fortepiano ilə məşğul olmağa başlayıb, şeir və mahnılar yazıb. 2016-cı ildə Bakı İdarəetmə və Texnologiya Kollecinə qəbul olub. 5 iyul 2019-cu ildə Dövlət Sərhəd Qoşunlarında (DSQ) hərbi xidmətə başlayıb.
Vətən müharibəsi zamanı Əliyev Ağdam və Cəbrayıl istiqamətlərində, Zəngilan rayonu ərazisində döyüşüb. Oktyabrın 22-də Sığırt yüksəkliyinin azad olunması uğrunda savaşarkən şəhid olub.
Şəhidimiz "Vətən uğrunda", "İgidliyə görə" və "Zəngilanın azad olunmasına görə" medalı ilə təltif edilib.
