Sumqayıt Tibb Mərkəzinin (STM) strukturuna daxil olan tibb müəssisəsində maarifləndirmə tədbiri təşkil olunub.
Sumqayit24.az xəbər verir ki, STM-nin Əməyin mühafizəsi bölməsi tərəfindən keçirilən təlimdə Təhlükəsizlik və mühafizə bölməsinin əməkdaşları iştirak ediblər.
Təlimdə yanğınların başvermə səbəbləri və qarşısının alınması yolları, yanğın zamanı zəruri davranış qaydaları barədə məlumat verilib və ilkin yanğınsöndürmə vasitələrindən istifadə qaydaları əyani şəkildə nümayiş etdirilib. Sonda mövzu ilə bağlı müzakirələr aparılıb, zəruri tövsiyələr verilib, suallar cavablandırılıb.
