Sumqayıt şəhəri 31 nömrəli tam orta məktəbin şagirdi koronavirusdan dünyasını dəyişib. Bu barədə 13 oktyabr tarixində APA xəbər yayıb.
Məlumata əsasən, 5 oktyabr tarixində 9 "b" sinif şagirdi Əsgərov Kamil özünü pis hiss edib. Yoxlama nəticəsində məlum olub ki, o koronavirusa yoluxub. Kamil, 6 oktyabr tarixində xəstəxanaya yerləşdirilsə də, daha sonra o Bakı şəhərindəki klinikaların birinə keçirilib.
Aparılan müalicə tədbirlərinə baxmayaraq, Əsgərov xəstəxanada vəfat edib.
6 oktyabr tarixindən 9 "b" sinifi distant təhsilə keçib, əyani tədris isə oktyabrın 20-si bərpa ediləcək.
