Sumqayıtda 4 və 39 nömrəli məktəblərə gedən yol pis vəziyyətdədir. Bu haqda Sumqayıt24-ün oxucuları məlumat verib.
Piyadalar, həmçinin 17-ci mikrorayonda yerləşən məktəblərdə təhsil alan şagirdlər bu yolu gedib-gəlməkdə çətinlik çəkirlər. Həmin əraziyə sakinlərin hərəkət edə bilməsi üçün daş piltələr düzülüb, lakin payız və qış fəsillərində intensiv yağıntılar zamanı buranı su basır, palçıq əmələ gəlir və bu yol tamamilə keçilməz hala düşür.
Həmçinin daha öncə məktəbin kanalizasiya borusunun partlaması nəticəsində çirkab sular burada yerləşən yaşayış binalarının altından axır və ətrafı xoşagəlməz qoxu bürüyüb. Hal-hazırda problemin bir hissəsi çözülüb və əraziyə su nasosları quraşdırılıb.
Foto Sumqayıt24.az
