Sumqayıt sakinləri marşrut avtobuslarının arasında intervalın çox olmasından narazıdırılar. Bu problemlə əlaqədar Avtomobil Nəqliyyatı ilə Sərnişindaşıma İdarəsinin rəisi Sultan Əsədov Xeberle.com-a açıqlamasında aydınlıq gətirib.
Əsədovun sözlərinə görə, bu gün ”Sumqayıt Nəqliyyat -1” MMC-nin balansında olan 57 avtobusdan 8-də validatorların (ödəmə terminalı) fəaliyyətində problem yarandığı, 5-də isə digər nasazlıqlar mövcud olduğu üçün onlar xəttə buraxılmayıblar. Həmçinin, validatorlar səbəbindən yaranan sıxlıq avtobuslar arasında intervalın artmasına gətirib çıxarır.
İdarə rəisi əlavə edib ki, avtobuslarda olan plan sistemi ləğv edilib və sürücü işə çıxdığı hər günə görə 50 manat əməkhaqqı alacaq.
