Daha öncə, xəbər verdiyimiz kimi Sumqayıtda avtobuslar kartla ödəniş sisteminə keçəndən sonra müəyyən problemlər yaranıb. Bu haqda Sumqayıt24 Avtomobil Nəqliyyatı ilə Sərnişindaşıma İdarəsinin rəis müavini Tofiq Saydumovun Xeberle.com-a verdiyi açıqlamasına istinadən yazır.
Rəis müavini nasazlıqların olduğunu təsdiqlədi. Onun sözlərinə görə kart sisteminə keçidə aylar öncədən hazırlıqlar aparılsada ictimai nəqliyyatda quraşdırılan terminallarda yaranan problemlər işləri ləngidirdi. Lakin, yeni terminallar quraşdırılandan sonra da müəyyən problemlər müşahidə olunur. Mütəxəssislər tərəfindən 1-2 gün müddətində bütün nasazlıqlar aradan qaldırılacaq.
