Sumqayıt-Bakı elektik qatarında biznes-klas vaqonunun sərnişinləri problemlə qarşılaşıblar. Bu haqda Report xəbər yayıb.
Məlumata əsasən, sərnişinlərə vaqonda olan oturacaq sayından daha çox bilet satıblar. Nəticədə 15-dək sərnişin ayaq üstə qalıb. Bələdçilər onlara yaranan problem ilə bağlı rəhbərliyin məlumatlı olduğunu deyiblər və qaynar xəttə zəng etməyi tövsiyə ediblər. Qeyd edək ki, buna baxmayaraq insanlara biznes-klas çekləri geri qaytarılmayıb.
Bələdçilərin sözlərinə görə problem, xəttə yeni qoşulan və biznes-klas vaqonundakı sərnişin yeri Sumqayıt-Bakı qatarından çox olan Bakı-Gəncə qatarı səbəbindən yaranıb. Məsul şəxslər bu məqamı nəzərə almadan, səhvən Sumqayıt-Bakı qatarınını sərnişinlərinədə Gəncəyə gedən qatarda olan yer qədər bilet satıblar.
