"Azərbaycan Vanhong Ceramics Co." MMC Sumqayıt Kimya Sənaye Parkının (SKSP) yeni rezidentidir. Bu barədə bu gün, 16 oktyabr tarixində İqtisadiyyat Nazirliyi məlumat yayıb.
Məlumata əsasən, 100 % Çin kapitallı "Azərbaycan Vanhong Ceramics Co."-nun investisiya dəyəri 40 milyon ABŞ dollarına bərabərdir. Müəssisə illik 15 milyon kv.m keramik plitələr istehsal edəcək. Həmin zavodda 400 nəfər işlə təmin ediləcək.
Keramik plitələrin satışı daxili bazarlarla yanaşı, xarici ölkələrdə də nəzərdə tutulur.
