Sumqayıtda Covid-19 xəstəliyi əleyhinə vaksinasiya prosesi davam etdirilir. Peyvəndin 3-cü dozası ilə bağlı tövsiyələr haqda Sumqayıt Tibb Mərkəzi 1 saylı Ailə Sağlamlıq Mərkəzinin rəhbəri Təranə Mansurova 30 sentyabr tarixində DünyaTV-yə məlumat verib.
Mansurovanın sözlərinə görə, tibb işçilərinə, 60 yaşından yuxarı olan və immun sistemi zəif olan şəxslərə 3-cü (buster) doza peyvənd olunmaq məsləhət görülür. Buster doza üçün Azərbaycanda mövcud olan istənilən vaksindən istifadə oluna bilər.
Həmin mərkəzdə yanvar ayından bu günə kimi 31 mindən çox sakin 1-ci doza, 24 mindən çox sakin 2-ci doza "Sinovac", 60 yaşından yuxarı vətəndaşlar isə "Astrazeneca" peyvəndini vurdurublar.
