Sumqayıtda Xəzər dənizində suyun geriyə çəkilməsi müşahidə olunur. Sumqayıt24 bu məsələ ilə bağlı apardığı araşdırmanı izləyicilərinə təqdim edir.
Suyun geriyə çəkilməsi ilə bağlı holland və alman alimlərinin araşdırmaları "Nature Communications Earth & Environment" jurnalında dərc olunub. Məlumata görə, Xəzərin səviyyəsi 1990-cı ildən etibarən hər il bir neçə santimetr azalır və XXl əsrin sonunda 9-18 metr azala bilər. Bu prosesin səbəbləri isə, dənizin üzərindən olan buxarlanmanın çoxalması və qış aylarında gölün şimalında buz örtüyünün azalmasıdır.
"Kaspiyskiy vestnik" portalında dərc olunan məqalədə, digər və ən əsas amillərdən biri kimi kənd təsərrüfatı qeyd edilib. Belə ki, Xəzərin 80% su ehtiyatını təmin edən Volqa çayından təsərrüfat məqsədləri üçün aşırı dərəcədə su istifadə olunur. Bu səbəbdən dənizin səviyyəsi də aşağı düşür .
