Sumqayıtlı gənc pianoçu "21-ci əsrin istedadları" ("21st Century Talants") adlı beynəlxalq müsabiqədə 2-ci yer tutub. Bu haqda Report-a istinadən xəbər veririk.
Sumqayıt şəhəri 1 nömrəli musiqi məktəbinin şagirdi 13 yaşlı Aytac Vəliyeva onlayn formatda keçirilən müsabiqədə Franz Şubertin Expromt əsərini ifa edib və açıq səsvermə nəticəsində yüksək yerə layiq görülüb.
İki ildən bir keçirilən müsabiqənin şərtlərinə görə iştirakçı 10 dəqiqəyədək davam edən musiqi əsərini ifa edib, video formatında "YouTube"a yükləməlidir. Daha sonra münsiflər ifanı dəyərləndirirlər.
Həmçinin, səsvermədə videoya qoyulan "like"ların sayıda nəzərə alınır.
