Sumqayıt Bələdiyyəsi üzvlərinin "Bələdiyyə parkı"nda ekoloji proqram və yay fəslinə hazırlıq çərçivəsində səyyar iclası baş tutub.
Sumqayit24.az xəbər verir ki, iclasda bələdiyyənin şöbə müdirləri və aparat işçiləri də iştirak edib. Görüş çərçivəsində əməkdaşlar son vaxtlar parkda görülən işlərlə tanış olublar.
İclas iştirakçılarına son dönəmlər park ərazisində görülən işlərlə bağlı məlumat verilib. Ərazidəki həddindən artıq uzanmış ot və qazonlar biçilib, ağaclar ziyanvericilərdən qorumaq məqsədilə əhənglənib, budanıb, skamyalar və ərazidəki hasar boyanıb.
"Bələdiyyə parkı"nın işıqlandırılması, mərmər örtüyü və uşaqlar üçün əyləncə qurğuları yenilənib, suvarma xətləri quraşdırılıb.
