Sumqayıt Dövlət Dram Teatrında milli teatrın yaranmasının 149 illiyi qeyd olunub. Bu haqda teatrın səhifəsinə istinadən xəbər veririk.
Bayramda şəhər ictimaiyyəti, ziyalılar və digər qonaqlar iştirak ediblər.
İlk öncə onlar üçün teatrın baş rejissoru, Xalq artisti Firudin Məhərrəmovun quruluşunda Mirzə Fətəli Axundzadənin "Müsyo Jordan və Dərviş Məstəli Şah" komediyası səhnələşdirilib. Əsərin səhnə həlli, uğurlu eksperimenti diqqət çəkib.
Daha sonra, çıxış edən teatrın direktoru Mübariz Həmidov bildirib ki, bu il teatrın bayramına Gənclər və İdman İdarəsi də kreativ layihə ilə qoşulub. Təşkilat bir qrup yaradıcı gənci təltif edib.
Sonda Dram Teatrının rejissoru Fuad Kazımov, aktyorlar İlqar İbrahimov və Etibar Əmirova mədəniyyət naziri Anar Kərimovun imzaladığı Fəxri fərman təqdim edilib.
Qeyd edək ki, şəhərimizdə fəaliyyət göstərən teatr da həmin bayram ərəfəsində 1968-ci ildə yaranıb.
