2021-ci ilin əvvəlindən indiyə qədər Sumqayıtda 51.500 sürücü barəsində protokol tərtib edilib. Bu haqda bu gün, 22 dekabr tarixində Report məlumat yayıb.
Məlumata əsasən, 331 sürücü sərxoş vəziyyətdə, 285 - narkotik vasitələrin təsiri altında, 180 - sürücülük hüququ olmadan nəqliyyat vasitəsini idarə edib. 2516 nəfər işıqforun qırmızı işığında hərəkətini davam etdirib, 16 avtoxuliqan və digər yol hərəkəti qaydalarını pozan sürücülər barəsində tədbir görülüb.
Sumqayıt Şəhər Polis İdarəsinin Dövlət Yol Polis Şöbəsinin əməkdaşları profilaktik tədbirləri davam etdirir.
