Sumqayıt Kimya Sənaye Parkında (SKSP) rezidentlərin sayı 35-ə çatıb. Sumqayıt24 bu haqda 6 aprel tarixində İqtisadi Zonaların İnkişafı Agentliyinə (İZİA) istinadən xəbər verir.
Sənaye Parkında 3 sahibkarlıq subyektinə rezidentlik statusu verilib. Bunlar aşağıdakılardır:
- “Az-Kom Servis” MMC tullantı yağının təkrar emalı nəticəsində SN 150, SN 350 və SN 500 markalı baza yağı, eləcə də bitum və dizel yanacağını istehsal edəcək;
- “Neo Project” MMC tərəfindən müxtəlif ölçülü kompozit (fiberqlas) armatur və şəbəkə istehsal edəcək müəssisə inşa olunacaq;
- “Sakuraz Green Energy” MMC tərəfindən “Litium akkumulyatorlarının bərpası” layihəsi həyata keçiriləcək.
Qeyd edək ki, “Sakuraz Green Energy” və “Neo Project”in məhsulları daxil və xarici bazarlara satılacaq. “Az-Kom Servis” MMC-də istehsal edilən məhsullar isə daxili bazarın tələbatını ödəyəcək.
