Sumqayıt KOBİM tərəfindən “Satış strategiyaları” mövzusunda təlim baş tutub. Bu barədə 3 oktyabr tarixində Sumqayıt KOB İnkişaf Mərkəzinə istinadən xəbər veririk.
KOBİM-in eksperti tərəfindən keçirilən seminarda satış texnikaları, ünsiyyət problemləri və müştərinin istəklərini təyin etmə yolları barədə iştirakçılara məlumat verilib. 5 sahibkarın iştirak etdiyi təlimdə satış kanallarının düzgün seçilməsi, hədəf kütləsinin təyini və individual xarakterli satış üsulları iştirakçıların diqqətinə çatdırılıb. Sonda mövzu ilə bağlı müzakirələr aparılıb, suallar cavablandırılıb.
