Sumqayıt “Paylayıcı şəbəkələrin gənc mütəxəssislərinin peşə ustalığı” yarışında təmsil olunur.
Sumqayit24.az xəbər verir ki, Ümummilli Lider Heydər Əliyevin 102-ci ildönümünə həsr edilən tədbir Ağdam Regional Rəqəmsal İdarəetmə Mərkəzi və Təlim Tədris Kompleksində keçirilir.
Yarışda Bakı şəhərini təmsil edən “Qız Qalası”, “Şirvanşahlar” və “Odlar Yurdu”, habelə ölkəmizin müxtəlif regionlarından gələn “Naxçıvan”, “Aran”, “Şimal-Qərb”, “Qərb”, “Mərkəzi-Aran”, “Şirvan”, “Xaçmaz”, “Sumqayıt”, “Qarabağ”, “Cənub” komandaları iştirak edirlər.
Komandalara ünvanlanan suallardan 10-u elektroenergetika ilə bağlı açıq tipli suallardır. Digər qapalı tipli (cavabı variantlar arasında təqdim edilən) sualların 25-i isə “Azərişıq” ASC-nin tətbiq etdiyi innovativ texnologiyalarla əlaqədardır.
Yarışmanın davamı mayın 23-də Hadrutda keçiriləcək.
