Sumqayıt şəhər 22 nömrəli məktəbin direktoru Tahirə Səfərova ittihamlara cavab verib.
Sosial şəbəkələrdə onun təhsil ocağının təmirinə ayrılan tikinti ləvazimatlarını sataraq özünə villa tikdirdiyinə dair məlumatlar yayılıb. Sözügedən iddiaları isə məktəbin gözətçisi Ceyhun Şəfiyev ATV-yə danışarkən səsləndirib.
Tahirə Səfərova məsələ ilə bağlı Sumqayit24.az-a açıqlama verib. O bildirib ki, Ceyhun Şəfiyev 14 may saat 09:15-də məktəbin xadiməsi, Vətən müharibəsi veteranının həyat yoldaşı Kəmalə Kərimovanı təhqir edərək, döyüb:
“Buna səbəb Şəfiyevin qardaşı, gündüz gözətçisi Anarın işə gəlməməsi və təsərrüfat müdiri Sevinc Musayevanın ona iş günü yazmayacağını bildirməsi olub.
Bundan qəzəblənən Ceyhun Şəfiyev təsərrüfat müdirinə hücum edərək, onu vurub. Bu münaqişəni yatırmağa çalışan xadimə Kəmalə Kərimovanın qoluna yumruq vuraraq , ona xəsarət yetirib və şərəf-ləyaqətini alçaldıb.
Zərərçəkən şəxs 102 xidmətinə məlumat verib və bununla bağlı Ceyhuna cinayət işi açılıb.
Bu səbəbdən Ceyhun məktəb rəhbərliyindən qisas almaq qərarına gəlib. Şantaj, yalan və böhtanla məktəbin və rəhbərliyin işgüzar fəaliyyətinə xələl gətirməyə başlayıb”.
View this post on Instagram
