Sumqayıt şəhər Texniki və Təbiət Elmləri Liseyində (TTEL) təhsil almış Turqut Əfəndi ABŞ-nin nüfuzlu universitetinə qəbul olub. Bu haqda 31 iyul tarixində Sumqayıt24 Azərbaycan Universitetləri səhifəsinə istinadən xəbər verir.
BMU-nun Memarlıq və inşaat fakültəsinin builki məzunu Turqut Əfəndi bakalavr səviyyəsindən ABŞ-nin Luiziana Dövlət Universitetinə birbaşa doktoranturaya 420.000 dollarlıq tam təqaüdlə qəbul alıb.
Turqut “Breyn rinq”, “Xəmsə”, “Əlaçı” kimi bir çox intellektual verilişlərin qalibi olub. O, eyni zamanda elmi tədqiqatlara dərin maraq göstərib, səthi aktiv maddələr haqqında araşdırmalar apararaq, 2 elmi məqaləsini beynəlxalq jurnallara təqdim edib.
