Sumqayıtda parklardan birində yaranan xoşagəlməz qoxu sakinlərin narahatlığına səbəb olub.
Sumqayit24.az-a daxil olan məlumata görə, Heydər Əliyev adına parkda intensiv yağıntılar zamanı kanalizasiya daşıb.
Sakinlərin iddiasına görə, həmin vaxtdan etibarən ərazidə kəskin qoxu hiss olunur ki, bu da parkdan istifadə edən vətəndaşların rahat hərəkətinə və istirahətinə mane olur.
"Parklar insanların istirahəti və asudə vaxtlarını keçirməsi üçün nəzərdə tutulub. Lakin ətrafa yayılan kəskin qoxu səbəbindən ərazidə rahat vaxt keçirmək mümkün deyil. Aidiyyəti qurumların məsələyə diqqət yetirməsi və problemin aradan qaldırılması vacibdir", – deyə sakin bildirib.
Məsələ ilə bağlı aidiyyəti quruma sorğu ünvanlanıb.
