Sumqayıt şəhəri Heydər Əliyev Mərkəzində şəhid və qazi övladları üçün Yeni il şənliyi keçirilib. Bu haqda bu gün, 22 dekabr tarixində Sumqayıt şəhər Gənclər və İdman Baş İdarəsi məlumat yayıb.
Tədbirdə şəhid və qazi övladlarından ibarət "Əmanət" xor kollektivi öz mahnılarını ifa edib. Daha sonra Şaxta baba və Qar qız uşaqlara bayram hədiyyələri paylayıblar və onlarla birgə rəqs ediblər.
Şənlikdə Baş İdarənin rəisi Elgün Hümbətov çıxış edərək uşaqları təbrik edib. Tədbirin keçirilməsində məqsəd Yeni il şənliyini uşaqlar üçün unudulmaz və yaddaqalan günlərdən birinə çevirmək idi.
