Sumqayıtda gənclərlə görüş keçirilib. Sumqayıt24 bu haqda 25 avqust tarixində xəbər verir.
Sahibkarlıq mövzusunda tədbir Abşeron-Xızı Regional Gənclər və İdman İdarəsi, Azərbaycan Respublikasının Kiçik və Orta Biznesin İnkişafı Agentliyi, Azərbaycan Respublikası Sahibkarlığın İnkişafı Fondu, Sumqayıt Gənclər Evi, Gənclərin İnkişaf və Karyera Mərkəzinin Abşeron-Xızı Regional nümayəndəliyi tərəfindən təşkil olunub.
Görüşdə mütəxəssislər gənclərin sahibkarlıq fəaliyyətinə dəstək, fərdi sahibkarlığın inkişafı və güzəştli maliyyə resurslarına çıxış barədə məlumatlar veriblər. Həmçinin videoçarx izlənilib və təqdimatlar edilib.
Sonda gəncləri maraqlandıran suallar cavablandırılıb.
