Yeni tədris ilinin ilk günündə Abşeron dairəvi dəmir yolu üzrə hərəkət edən qatarlarda rekord sayda sərnişin daşınıb.
Sumqayit24.az "Azərbaycan Dəmir Yolları" QSC-yə istinadən xəbər verir ki, sentyabrın 15-də Bakı–Xırdalan–Bakı və Bakı–Pirşağı–Sumqayıt–Bakı marşrutları üzrə 52 minə yaxın sərnişin mənzil başına çatdırılıb.
Ötən ilin eyni günündə həmin marşrutlar üzrə 42 mindən çox sərnişin daşınıb. Beləliklə, sərnişin sayı əvvəlki ilin müvafiq göstəricisi ilə müqayisədə 23,3 faiz artıb.
Qeyd edək ki, yeni hərəkət cədvəlinə əsasən, sentyabrın 15-dən etibarən reyslərin sayı 90-dan 96-ya çatdırılıb.
