Sumqayıt şəhərində Qurd dərəsi yaşayış massivinə sərnişin daşıyan 17 və 17A nömrəli avtobuslardan şikayət var.
Sumqayit24.az-a daxil olan məlumata görə, sərnişinlər avtobusun istismara yararsız olduğunu bildirirlər. Belə ki, avtobusların köhnə olması səbəbindən yağışlı havalarda su salona dolur. Bundan başqa, marşrutlararası intervalın çox olması və avtobusların yalnız axşam saat 20:00-a kimi fəaliyyət göstərməsi problemlər yaradır.
Sakinlər müvafiq qurumdan qeyd olunan halların aradan qaldırılmasını xahiş edirlər.
