“Sumqayıt Tekstil” MMC-nin özəlləşdirilməsi üzrə investisiya müsabiqəsi elan edilib. Bu haqda 1 iyun tarixində Sumqayıt24 İqtisadiyyat Nazirliyi yanında Əmlak Məsələləri Dövlət Xidmətinə istinadən məlumat verir.
İqtisadiyyat Nazirliyi yanında Əmlak Məsələləri Dövlət Xidməti MMC-nin dövlətə məxsus 100%-lik paylarının satışı üzrə investisiya müsabiqəsi keçirir. Sülh küçəsi, 3 ünvanında yerləşən MMC-nin özəlləşdirilməsi üzrə müsabiqədə ümumi dəyəri 10 mln 112 min manat olan 101.120 payı satışa çıxarılıb.
Müsabiqədə ölkə vətəndaşları və xarici investorlar iştirak edə bilərlər. İddiaçıların ərizə və təkliflərinin qəbulu 6 iyul tarixinədək aparılacaq.
İnvestisiya müsabiqəsinə çıxarılan dövlət əmlakı ilə link vasitəsilə tanış olmaq olar.
