Fevral ayından etibarən 90 nəfər qazi və şəhid ailəsinin üzvü Sumqayıt Tibb Mərkəzi tərəfindən işlə təmin olunub. Bu barədə 20 sentyabr tarixində mərkəzin Facebook səhifəsinə istinadən xəbər veririk.
Onlardan 36 nəfər mühafizə xidmətində, 17 nəfər təcili tibbi yardım üzrə sürücü, 13 nəfər sanitar porter, digərləri isə həkim, orta və kiçik tibb işçiləri vəzifələrində çalışırlar.
Sumqayıt Tibb Mərkəzi bu günə kimi 1000-ə yaxın şəhid ailəsi, qazi və müharibə iştirakçısına xidmət göstərib. Tibb müəssisələrinə stasionar müalicəyə 445 nəfər göndərilib, 167 nəfər cərrahi əməliyyat olunub.
Onlardan 100 nəfər qazi və müharibə iştirakçısının icbari tibbi sığorta xətti ilə özəl və dövlət tibb müəssisələrində əməliyyatları təşkil edilib. 298 nəfərə KT və MRT müayinələri aparılıb, 30 nəfərdə böyrək əməliyyatı, 21 nəfərdə ürəyin angioqrafiya müayinəsi olub, 120 nəfər Bakı şəhər Tibbi Reablitasiya Mərkəzinə müalicəyə göndərilib.
Daha 400-ə yaxın qazi və şəhid ailəsi üzvləri psixoloqların müalicəsinə cəlb olunublar.
