Sumqayıt Kimya Sənaye Parkında indiyədək ümumi investisiya portfeli 6 milyard manatdan çox olan 39 sahibkarlıq subyektinə rezidentlik statusu verilib.
Sumqayit24.az xəbər verir ki, bu barədə İqtisadi Zonaların İnkişafı Agentliyi (İZİA) məlumat yayıb.
Bildirilib ki, sahibkarlar tərəfindən sənaye parkına 5,5 milyard manatdan artıq investisiya yatırılıb. Nəticədə 6200-dən çox şəxs daimi işlə təmin olunub.
Mövcud layihələrin növbəti mərhələsində isə sənaye parkına əlavə olaraq 515 milyon manat həcmində investisiyanın cəlb olunması və təxminən 2700 yeni daimi iş yerinin yaradılması planlaşdırılır.
Həmçinin indiyədək Sumqayıt Kimya Sənaye Parkının rezidentləri tərəfindən ümumilikdə 13,9 milyard manatlıq satış həyata keçirilib ki, bunun da 4,9 milyard manatlıq hissəsi ixracın payına düşür.
