"Uzun illərdir Sumqayıtda yataqxanada yaşayırdıq. Çox şükür ki, bu gün Cəbrayıl yuxularımız çin oldu, biz illərdir həsrətini çəkdiyimiz öz doğma yurdumuza qovuşuruq".
Bu sözləri jurnalistlərə açıqlamasında Cəbrayıl rayonun Şükürbəyli kəndinə köç edən Məmməd Mustafayev deyib.
O, illərdir bu günü səbrsizliklə gözlədiyini bildirib:
"Bu günü yaşamağımıza vəsilə olan cənab prezidentimizə təşəkkür edirik. Allah şəhidlərimizə rəhmət, qazilərimizə cansağlığı versin. Millətimizə, dövlətimizə firavanlıq arzu edirəm. 32 yaşımda doğma yurdumuzdan çıxmağa məcbur qalmışdıq. Məcburi köçkün olanda üç nəfər idik, indi isə ailə üzvlərimizin sayı doqquz nəfərdir".
Qeyd edək ki, bu gün Cəbrayıl rayonunun Şükürbəyli kəndinə növbəti köç karvanı yola salınır. Bu mərhələdə Şükürbəyli kəndinə 25 ailə 154 nəfər köçürülür.
Mənbə: Oxu.аz
