Sumqayıt Dövlət Universitetinin (SDU) nümayəndələri Azərbaycan İdman Akademiyasında Kembric Universitetinin eksperti Ceyms Bidlin rəhbərliyi ilə "Qiymətləndirmə" mövzusunda keçirilən dəyirmi masada iştirak edib.
Sumqayit24.az xəbər verir ki, dəyirmi masaya SDU ilə yanaşı Təhsildə Keyfiyyət Təminatı Agentliyi, Peşə Təhsili üzrə Dövlət Agentliyi, ADA Universiteti, Bakı Dövlət Universiteti, Azərbaycan Tibb Universiteti, Azərbaycan Dövlət Pedaqoji Universiteti, Bakı Slavyan Universitetindən nümayəndələr qatılıb.
Ceyms Bidl iştirakçılarla öz bilik və təcrübəsini bölüşüb. Həmçinin qiymətləndirmənin əsas prinsipləri və bu sahədə beynəlxalq yanaşmalar müzakirə olunub.
Görüş sual-cavab və fikir mübadiləsi formatında davam edib.
