Sumqayıtın bir sıra ərazilərində qazın verilişi müvəqqəti dayandırılacaq.
Sumqayit24.az xəbər verir ki, bu barədə "Azəriqaz" İstehsalat Birliyi məlumat yayıb. Belə ki, qaz tənzimləyicisinin təmiri ilə əlaqədar olaraq 1, 2, 3, 4, 5, 7, 8, 12, 19, 21, 29, 30, 34, 36 və 45-ci məhəllələri, həmçinin, 1, 2, 5 və 6-cı mikrorayonları üzrə abonentlərin qaz təchizatında müvəqqəti fasilə yaranacaq.
Məlumata görə, təxminən, 30 min abonentə qazın verilişi bu gün saat 11:00-dan etibarən müvəqqəti olaraq dayandırılacaq.
Təmir-bərpa işləri başa çatdıqdan sonra qazın verilişi mərhələli şəkildə bərpa olunacaq.
