"Miqrasiya və Gənclərlə iş" Erasmus+ təlim kursu yekunlaşıb. Sumqayıt24 bu haqda 8 may tarixində xəbər verir.
Proqram “Sağlam Düşüncə” Gənclər Təşkilatı tərəfindən Sumqayıtda təşkil olunub və 6 gün davam edib. Bu gün bitən təlim kursunun iştirakçıları miqrasiya mövzusu ilə bağlı dərin biliklərə yiyələniblər.
Miqrasiya üzrə təlimçi Könül Cəfərova onları terminologiya ilə tanış edib, müxtəlif qeyri-formal metodlar vasitəsilə kommunikasiya bacarıqlarını və münaqişələrin idarə edilməsi üzrə biliklərini artırıb.
Təlim boyunca Aynur Zərrintacın təqdimatında “forum teatr” sessiyası, Nigar Aslan və Fərid Aslanın təqdimatında stresin idarə edilməsi sessiyası keçirilib. Eyni zamanda iştirakçılarımız İCMP Azərbaycanın ofisinə səfər edib və ofisin fəaliyyəti ilə yaxından tanış olublar.
