Sumqayıtda Azərbaycan Yazıçılar Birliyinin nəşr etdirdiyi “Əbədi ömrün yüz ili” kitabının təqdimatı keçirilib. Bu haqda 13 iyun tarixində Sumqayıt24 xəbər verir.
Ümummilli lider Heydər Əliyevin 100 illik yubileyi münasibətilə təşkil olunan tədbir Yeni Azərbaycan Partiyası (YAP) Sumqayıt şəhər təşkilatının inzibati binasında baş tutub.
Toplantıda YAP şəhər təşkilatının məsul şəxsləri, Sumqayıt Şəhər İcra Hakimiyyəti başçısının birinci müavini Teymur Səmədov, AYB-nin sədri, Xalq yazıçısı Anar, YAP idarə heyətinin üzvü, filologiya elmləri doktoru Elnarə Akimova, Azərbaycan Yazıçılar Birliyinin katibi, Əməkdar incəsənət xadimi Elçin Hüseynbəyli, “Ədəbiyyat” qəzetinin baş redaktoru Azər Turan, özbəkistanlı yazıçı, Əməkdar jurnalist Məmmədqul Həzrətqulov, şəhər ictimaiyyətinin nümayəndələri, tanınmış ziyalılar iştirak ediblər.
Çıxışlarda ümummilli liderin Azərbaycan xalqı və dövləti qarşısındakı tarixi xidmətindən, zəngin həyatı və çoxşaxəli fəaliyyətindən, eləcə də təqdim olunan kitabın əhəmiyyətindən bəhs edilib.
