Prokurorluq orqanlarında xüsusi rütbəsi olmayan vəzifələrdə çalışan işçilər üçün təlim təşkil edilib. Bu haqda 10 iyun tarixində Sumqayıt24 Baş Prokurorluğa istinadən məlumat verir.
“Dövlət qulluğunda etik dəyərlər və qanunvericiliyin tətbiqi məsələləri” mövzusuna həsr olunan təlimdə Sumqayıt şəhərində işləyən əməkdaşlar iştirak ediblər.
Seminar çərçivəsində dinləyicilərə işçilər arasında qarşılıqlı münasibətlər sistemi barədə ətraflı məlumat verilib, dövlət qulluğuna dair qanunvericiliyin təcrübədə tətbiqi xüsusiyyətləri tədris edilib və digər əlaqəli mövzular ətrafında müzakirələr aparılıb.
Təlim üzrə tədris tədbirləri müasir informasiya-kommunikasiya texnologiyaları, təhlil-tədqiqat materialları, habelə beynəlxalq təcrübədə olan nümunələrdən geniş istifadə etməklə həyata keçirilib.
