Sumqayıtın mənzil bazarında qiymət artımı müşahidə olunub. Bu haqda 20 aprel tarixində Sumqayıt24 Sfera.az-a istinadən xəbər verir.
İqtisadi və Sosial İnkişaf Mərkəzinin məlumatına görə, mart ayında həm fərdi həyət evlərinə, həm də yaşayış binalarında olan mənzillərə tələb artıb. Fərdi evlərdə və torpaq sahələrində 6.2 faiz qiymət artımı qeydə alınıb. Yaşayış binalarında olan mənzillərdə və qeyri-yaşayış sahələrində isə qiymətlər 3.5 faiz artıb.
Qiymət artmasına səbəb olan amillərdən biri də torpaq sahəsinin tükənməsidir. Mənzil və ya çoxmənzilli binaların inşası üçün torpaq sahələri tükəndikcə onların da qiymətində kəskin artmalar baş verir.
