Sumqayıtda evdə doğuş zamanı körpəsi ölən 23 yaşlı qadının vəziyyəti açıqlanıb.
Bu barədə Report.az-ın sorğusuna cavab olaraq Sumqayıt Tibb Mərkəzindən (STM) məlumat verilib.
Qeyd olunub ki, zahı qadın ötən gün mərkəzin nəzdindəki Perinatal Mərkəzin Təcili yardım şöbəsinə hospitalizasiya olunub. Zəruri tibbi xidmətlər göstərilən pasiyent stasionar tibbi xidmətdən imtina edərək evə buraxılıb.
Məlumata görə, o, bu gün saat 10:10 radələrində yenidən təcili tibbi yardım avtomobili vasitəsilə Perinatal Mərkəzin Təcili tibbi yardım şöbəsinə hospitalizasiya olunub, müvafiq şöbədə müalicəsi davam etdirilir, vəziyyəti orta ağırdır.
Həmçinin bildirilib ki, 23 yaşlı qadın hamiləlik dövründə heç bir tibb müəssisəsində qeydiyyatda olmayıb.
Saat 12:51
Sumqayıtda doğuş faciəsi yaşanıb.
Lent.az-ın məlumatına görə, şəhər sakini, 23 yaşlı S.Səlimova yaşadığı evdə doğuş keçirib. Doğuş zamanı körpə ölüb.
Faktla bağlı araşdırma aparılır.
